Klimatilpassing i arealplanlegging

Studieinnhald

Klimatilpassing handlar om å endre biologiske, fysiske eller sosiale system ut frå faktiske eller forventa klimaendringar, for å redusere skade eller utnytte nye moglegheiter.

I studiet lærer du om

• klimaendringar og klimaframskrivingar
• naturskadehendingar som har samanheng med klima, og tiltak og verkemiddel for å forebygge slike hendingar
• metodar og verktøy for analyse av sårbarheit for klimaendringar (mellom anna ROS-analysar)
• sårbarheit i infrastruktur som følgje av klimaendringar
• naturskadelova og forsikringsordningar
• krav i plan- og bygningslova til  sikring av samfunnstryggleik i høve klimarelatert naturfare

Vi legg vekt på ei heilskapleg og tverrfagleg tilnærming, der vi ser på mange konkrete døme som illustrerer utfordringane, og kva grep vi kan ta for å møte desse. 

Dette er eit betalingsstudium, og prisen er kr. 15 500,- (inkluderer ekskursjonar og lunsj på samlingane). 

I tillegg til HiSF, er NVE og Vestlandsforsking tungt inne i den faglege gjennomføringa av kurset. Statens vegvesen og Fylkesmannen vil også bidra fagleg. 

Studieplan

I studieplanen finn du informasjon om korleis studiet er bygd opp, oversikt over emne, pensum med meir. Les den!

Undervisningsmåtar

Studiet er samlingsbasert, med to samlingar som kvar går over tre dagar. Vi har forelesingar, praktisk gruppearbeid og ekskursjonar. Utanom samlingane må du sette av tid til sjølvstudium og oppgåveskriving. 

Samlingsdatoar og praktisk informasjon

Mellom samlingane vil kommunikasjonen gå føre seg gjennom e-læringsverktøyet Fronter.