Landskapsplanlegging med landskapsarkitektur
Med ein bachelor i landskapsplanlegging kan du vere med å gjere byane grønare og planlegge og vurdere inngrep i landskapet, som bygging av vegar eller oppføring av kraftlinjer. Du studerer i vakker Vestlandsnatur, i eit fagmiljø som er blant dei fremste i landet.
Studieinnhald
Studiet gir deg kompetanse til å gjennomføre landskapsplanlegging i offentleg og privat sektor. Du får god innsikt i landskapsarkitektur, med ein økologisk profil.
Du lærer å
- sjå kulturlandskap, naturfag og forvaltning i samanheng med planlegging etter plan- og bygningslova
- vurdere visuelle og økologiske konsekvensar av ulike inngrep i naturen
- bruke elektroniske planleggingsverktøy
Studieplan
I studieplanen finn du informasjon om korleis studiet er bygd opp, oversikt over emne, pensum med meir. Les den!
Undervisningsmåtar
Du lærer gjennom forelesingar, ekskursjonar, laboratorieøvingar, feltarbeid og prosjektarbeid. Du får tett oppfølging gjennom heile studiet.
Du har blokkundervisning, det vil seie at du jobbar med eit emne om gongen, med avsluttande eksamen, før du byrjar på neste emne.
«I studiet har vi mye fokus på bærekraftig utvikling og det å ta vare på det biologiske mangfoldet. I Sogndal er det mye og svært variert natur, og "laboratoriet" vårt er rett utenfor forelesningssalen.»
- Odd Helge Løyning, student
Fakta om studiet
- Studiestad:
- Sogndal
- Studielengd:
- 3 år
- Studiepoeng:
- 180
- Nivå/grad:
- Bachelor
- Opptakskrav:
- Generell studiekompetanse eller realkompetanse.
- Poenggrense ved siste opptak:
- Ordinær kvote: 39,9. Kvote for førstegangsvitnemål: Alle kvalifiserte
- Studiekode:
- 216 310
- Søknad frå:
- 01.02.2015
- Søknadsfrist:
- 15.04.2015