Master i læring og undervisning

Studieinnhald

Vi tar opp problemstillingar frå skulekvardagen, og du fordjupar deg innan læring, læringsmiljø, didaktikk og fagdidaktikk i faga norsk, matematikk eller kroppsøving.

Du lærer

• om vitskapelege teoriar og metodar som er relevant for læring og undervisning
• om nyare klasseromsforsking
• å vurdere og drøfte tilpassa opplæring ut frå eit samfunnsmessig perspektiv
• korleis bidra til nytenking og innovasjonsprosessar knytt til læring og undervisning

Studieplan

I studieplanen finn du informasjon om korleis studiet er bygd opp, oversikt over emne, pensum med meir. Les den!

Undervisningsmåtar

Studiet er samlingsbasert. Vi har forelesingar, seminar, gruppearbeid, casedrøftingar og prosjektarbeid. 

Sjå samlingsdatoar

Ikt blir brukt som kommunikasjonskanal og læringsverktøy. Det blir lagt til rette for fleksibel gjennomføring av studiet.

Opptakskrav

Du må oppfylle eitt av følgjande opptakskrav:

• Fullført og bestått lærarutdanning (allmennlærar, faglærar, grunnskulelærar eller praktisk-pedagogisk utdanning)
• Fullført og bestått dei tre første åra i grunnskulelærarutdanningane (180 sp).

Tilleggskrav (alle krava må vere oppfylt):

1. Det er krav om 60 studiepoeng fordjuping i eitt av skulefaga norsk, matematikk eller kroppsøving.
2. Fullført og greidd praksis frå grunnutdanninga (gjeld ikkje studentar som kjem direkte frå grunnskulelærarutdanninga 3.studieår)
3. Karakteren C rekna ut frå følgjande grunnlag:

• For allmennlærarutdanninga: Pedagogisk teori i lærarutdanninga (30 sp) + eitt skulefag på 60 sp
• For grunnskulelærarutdanninga 1-7 og 5-10: Pedagogikk og elevkunnskap (60 sp) + eitt skulefag på 60 sp
• For faglærarutdanning: Pedagogisk teori +fagdidaktikk (60 sp) + eitt skulefag på 60 sp
• For Praktisk-pedagogisk utdanning: Pedagogikk + didaktikk (60 sp) + eitt skulefag på 60 sp