Operasjonssjukepleie
Som operasjonssjukepleiar er du sentral i arbeidet med å organisere og koordinere den operative verksemda på sjukehuset. Du skal møte pasienten sitt behov for sjukepleie før, under og umiddelbart etter inngrepet. Du må handle raskt, etisk og fagleg forsvarleg i akutte situasjonar. Samtidig skal du ta vare på både pasienten og pårørande.
Studieinnhald
Du lærer
- om menneskets anatomiske oppbygging, og prinsipp som ligg til grunn for kirurgisk vurdering og behandling
- om sårvurdering og sårbehandling
- å gi omsorg i eit teknologisk miljø, og reflektere over teknologien sine moglegheiter og begrensingar
- å medverke under kirurgiske undersøkingar og/eller behandling
- om bruken av medisinsk teknisk utstyr
- om infeksjonsforebyggande arbeid i forhold til pasient, miljø, utstyr og personleg hygiene
Studieplan
I studieplanen finn du informasjon om korleis studiet er bygd opp, oversikt over emne, pensum med meir. Les den!
Undervisningsmåtar
Du lærer gjennom forelesingar, gruppearbeid, sjølvstudium, rettleiing og skriftleg arbeid. Mellom samlingane vil kommunikasjonen foregå ved hjelp av e-læringsverktøyet Fronter.
Det er lagt opp til 7-10 samlingar (ca. 40 dagar kvart år), og arbeid mellom samlingene. Sjå samlingsdatoar.
Praksisperiodane er på fulltid, og du må vere førebudd på turnusarbeid. I hovudsak foregår praksisen ved helseforetaka i Sogn og Fjordane, og særleg på sentralsjukehuset i Førde. Det vil bli lagt til rette for at du skal ha minimum ei veke praksis ved universitetssjukehus eller tilsvarande institusjon.
«Eg har fått meir kunnskap om eit anna felt innanfor sjukepleie. Dette har gitt meg ein ny og utfordrande arbeidssituasjon, og eg er verkeleg motivert til å fortsetje å lære. Det er herleg å kjenne at eg gler meg til å kome på jobb!»
- Kristine Gro Berglihn, tidlegare student
Fakta om studiet
- Studiestad:
- Førde
- Studielengd:
- 2 år deltid
- Studiepoeng:
- 90
- Nivå/grad:
- Vidareutdanning
- Opptakskrav:
- Autorisert sjukepleiar og minst to års klinisk sjukepleiepraksis etter autorisasjon.
- Krav om politiattest
- Studiekode:
- 216 1621
- Søknad frå:
- 01.02.2015
- Søknadsfrist:
- 24.08.2015