Rettleiing, innføring
Denne vidareutdanninga passar for deg som er praksislærar, praksisrettleiar, kontaktsjukepleiar ved høgskulen sine praksisplassar eller har ein annan jobb der du ønskjer å auke kompetansen din i rettleiing og god kommunikasjon.
Studieinnhald
Studiet gir deg ei verktøykasse til bruk i rettleiingssituasjonar.
Du lærer om
- rettleiingsomgrepet og rettleiingstradisjonar
- rettleiing i lys av ulike ulike perspektiv på læring
- strategiar og metodar i coaching/rettleiing
- handlings- og refleksjonsmodellen og meisterlære
- situasjonsavhengig rettleiing
- kommunikasjon og relasjonar
- makt og etikk i rettleiing
- mentoring
- korleis planlegge og gjennomføre rettleiing over ein periode
Studieplan
I studieplanen finn du informasjon om korleis studiet er bygd opp, oversikt over emne, pensum med meir. Les den!
Undervisningsmåtar
Du lærer gjennom forelesingar, øving i grupper, rettleiing og skriftleg arbeid. Det er lagt opp til fire samlingar på til saman sju dagar, og arbeid mellom samlingane.
Mellom samlingane vil kommunikasjonen gå føre seg ved hjelp av e-læringsverktøyet Fronter
«Det er ein fin kombinasjon av teoretisk undervisning og praktiske øvingar. Vi har dyktige forelesarar med mykje teoretisk kunnskap og praktisk erfaring. Det er nyttig å studere med personar frå ulike yrkesgrupper. Eg har lært mykje om kommunikasjon.»
- Mona Holmefjord, tidlegare student
Fakta om studiet
- Studiestad:
- Førde og Sogndal
- Studielengd:
- ½ år deltid
- Studiepoeng:
- 15
- Nivå/grad:
- Vidareutdanning
- Opptakskrav:
- Treårig utdanning frå høgskule eller universitet, og eitt års yrkespraksis etter fullført utdanning.
- Studiekode:
- 216 1602
- Søknad frå:
- 01.02.2015
- Søknadsfrist:
- 15.04.2015