Kurs og oppdrag - oppdragsstilling

Høgskolen i Telemark har omlag 5000 studenter og 500 tilsette. Høgskolen er organisert i fire avdelingar og har undervisnings- og FoU-verksemd i Bø, Notodden, Porsgrunn og Rauland. Fellesadministrasjonen er plassert i Porsgrunn.

Avdeling for helse- og sosialfag er ei av fire avdelingar ved Høgskolen i Telemark, lokalisert til studiestaden Porsgrunn. Avdelinga er delt inn i Institutt for helsefag og Instiutt for sosialfag. Institutt for sosialfag har bachelorutdanning i vernepleie på heiltid og deltid, bachelorutdanning i barnevern og i fleirkulturelt barnevern, forutan vidareutdanning i kultur for helse og i fleirkultuerelt arbeid.

Ved Institutt for sosialfag er det ledig ei oppdragsstilling for to år knytt til kurs- og oppdragsverksemda ved instituttet. Det er behov for snarleg tilsetjing. Den som blir tilsett skal dels arbeide med ekstern finansiert kurs- og oppdragsverksemd, dels fungere som vikar i tilknyting til undervisning og rettleiingsoppgåver for fast tilsette som tek på seg oppgåver i samband med kurs- og oppdragsverksemd.

Til stillingane søkjer vi etter personar med utdanning innan helse- og sosialfag på høgre grads nivå, primært vernepleiar, barnevernspedagog eller sosionom. Ein vil prioritere søkjarar med brei praktisk røynsle frå ulike sider ved offentleg forvalting med fokus på helse- og sosialsektoren. Søkjarar bør ha røynsle frå undervisning i høgre utdanning, og vere i stand til å setje undervisninsoppgåvene inn i eit heilskapleg perspektiv. Avdelinga vil prioritere søkjarar som kan ta hand om aktuelle eksterne oppdrag og som kan vere vikar i den samanhangen.

For tilsetjing som høgskolelektor vert det kravd embetseksamen av høgre grad med relevant hovudfag, eller tilsvarande. Vidare vert det kravd forskingskvalifikasjonar ut over hovudfags-/mastergradsnivå og/eller relevant yrkespraksis, dessutan praktisk/pedagogisk utdanning eller røynsle får undervisning/rettleiing i høgskole- eller universitetssektoren. Ein føreset pedagogisk kompetanse dokumentert gjennom minst 1/2 års praktisk/pedagogisk utdanning eller gjennom kurs i høgskolepedagogikk og minst 1 års undervisningserfaring. Det vil bli lagt vekt på dokumentert samarbeidsevne og evne til å skape eit godt læringsmiljø.

Aktuelle søkjarar vil bli kalla inn til intervju, og må rekne med å halde prøveførelesing.

Stillingane vert løna etter statens lønnsregulativ, lønnsplan 17.510, stillingskode 1008 høgskolelektor,(lønssteg 44-62, p.t. kr 327 200 - kr 450 500 pr år). Frå løna går 2 % lovfesta innskot til Statens Pensjonskasse.

Den statlege arbeidsstyrken skal i størst mogleg grad atterspegle mangfaldet i folkesetnaden. Det er difor et personalpolitisk mål å oppnå ei balansert alders- og kjønssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.

Den som vert tilsett, må rette seg etter dei lover, føresegner og avtaler som til kvar tid gjeld for stillinga. Tilsetjingsorganet er tilsetjingsutvalet for faglege stillingar ved Høgskolen i Telemark.

Nærare opplysningar av fagleg karakter kan ein få ved å vende seg til instituttleiar Anne Thronsen (sosialfag), tlf. 35 57 54 28, eller dekan Elisabeth Aase, tlf. 35 57 54 06. Søknaden merkast ref. nr. 06/1055 med rettkjende avskrifter av vitnemål og attestar. Dette sender søkjarane til Høgskolen i Telemark, Avdeling for helse- og sosialfag, Boks 203, 3901 Porsgrunn innan 22.09.06.