Målgruppe er studentar som ønskjer å kombinere informatikk med utdanning andre fag, eller som ønskjer å nytte IKT på ein betre måte i yrkeslivet. Opptakskrav er generell studiekompetanse + 2MX, 2MY eller 3MZ.
Formålet med studiet er å gi kandidatar ei innføring i informatikk. Studiet passar til å inngå i kombinasjonsutdanningar, til dømes mot økonomisk/administrativt studium og studium i natur- og miljøvernfag.
Studentane skal, så langt det let seg gjere på eitt år, oppnå dugleik i, få kunnskapar om og haldningar til faget som kjem til nytte i yrkeslivet.
Studiet kan inngå i ein bachelorgrad. 1-årig studium i informatikk er lik det 1. året av 3-årig bachelorstudium i informatikk. Studentar kan dersom dei ønskjer det søke om vidare opptak på bachelorstudiet.
Studiet er ei grunnutdanning med normert studietid på 1 år.
Arbeids- og undervisningsformene i studiet omfattar:
- Forelesingar
- Øvingar i datalaboratorium med rettleiing
- Mindre prosjektoppgåver integrert i ordinære kurs
- Sjølvstudium
Kandidatanes kunnskapar innanfor alle emne i studiet skal evaluerast. Aktuelle evalueringsformer går fram av emneomtalene.
Minor adjustments may occur during the academic year, subject to the decision of the Dean
Copyright © Høgskolen i Telemark
