Støy og lufthygiene 4253

Forkunnskaper

Byggjer på 4002 Naturgeografi og 4101 Generell kjemi

Læringsmål

Studentane skal få grunnleggjande kunnskaper innan støy, inneklima og lysforhold, utandørs luftforureining og reinsemetodar og radioaktiv stråling. Emnet skal gi eit grunnlag for å kunne utføre og vurdere analysar på desse felta. Vidare skal studentane kunne kome med framlegg til tiltak i samband med kontroll- og tilsynsoppgåver innan miljøretta helsevern, arbeidstilsyn, bedriftshelseteneste med meir.

Organisering

44 timar forelesingar.
Obligatorisk: 27 timar laboratoriekurs i miljøhygienisk måleteknikk.

Innhold

Sentrale tema i forelesingane er:

• Støy: elementær lydlære, lydoppfatning, lyd i bygningar, spesielle støytypar, støymåling og utrekningsmetode for vegtrafikkstøy.
• Inneklima: overfølsemd, termisk og atmosfærisk inneklima, ventilasjon og lysforhold.
• Luftforureining og reinsemetodar: typar og kjelder luftforureining, spreiingsteori, reinsemetodar for partiklar og gassar.
• Radioaktiv stråling: strålingstekniske omgrep og størrelsar, typar og kjelder radioaktiv stråling, helseskadar av radioaktiv stråling med spesiell vekt på radon.

Vurderingsformer

Det blir gitt karakterar på to delprøver med mappevurdering: ei midtprøve (3 timar) tel 50% og ei sluttprøve (3 timar) tel 50% av endeleg eksamenskarakter. Det blir kravd godkjent rapport frå kurs i miljøhygienisk måleteknikk for å få høve til å gå opp til sluttprøva. Begge delprøvene må vere bestått.