Engelsk årsstudium eller tilsvarande.
Kurset har som mål å gi studentane kunnskap om korleis kyrkje og kristendom har inspirert amerikansk og britisk skjønnlitteratur frå midten av 1800-talet og fram til i dag.
Forelesingar og seminar, 3 timar i veka i haustsemesteret.
Kurset konsentrerer sg om nokre få amerikanske og britiske romanar, eit drama og eit utvald essay, til samen litt over 1000 sider. Det blir lagt vekt på å drøfte korleis ulike former for kristendom og religiøse problem blir tatt opp i litterære tekstar og essays. I undervisninga vil det bli lagt vekt på å forstå slike problem frå historisk og kulturell side, samtidig som deltakarane forsøker å relatere slike tekstar til notida. Studentane skal legge fram sine refleksjonar om dette i seminara.
Ei midtsemesterprøve som tel 40% av samla karakter. Ei lengre skriftleg sluttprøve som tel 60%. Både midtprøva og sluttprøva må vere bestått for å få endeleg karakter i emnet.
Ein nyttar bokstavkarakterar frå A til F, der A er best og E er siste ståkarakter.
Copyright © Høgskolen i Telemark
