Forkunnskaper
Ingen
Læringsmål
Studenten skal tileigne seg grunnleggande kulturanalytisk kompetanse innafor områda kulturell materialitet, oppleving og erfaring. Målet er at studenten skal bli fortrulig med det ”kulturanalytiske blikket” og få grep om kultur som fenomen. Vidare skal studenten byggje opp ei fortolkande evne som gjer han/henne i stand til å forstå fenomen som tilgjengeleg for erfaring og observasjon ved bruk av analytiske omgrep. Emne skal gje studenten innsikt i kulturanalysen sitt vitskapssyn og arbeidsmåtar.
Innhold
Gjennom ulike døme frå dagleglivet og kulturfeltet blir kultur forstått som aspekt ved all menneskeleg verksemd. Emnet legg vekt på kultur som erfaring og praksis. Gjennom orienteringa i retning av daglegliv og livsverd blir difor den menneskelege omgangen med det materielle: plassane og tinga, så vel som kropp, sansing og kjensler til kulturelle storleikar. Innom emne blir difor kultur å forstå som noko som ikkje alltid lar seg språkleg og verbalt formulere. Sentrale tema er:
- Kulturteoretiske klassikarar
- Kulturteori
- Kvalitative metodar
- Sansar og kjensler
- Kropp, ting og stad
- Kulturell kompleksitet og identitet
Organisering
Førelesingar, seminar, gruppearbeid/responsgrupper, skriftlege og munnlege øvingar knyta til førelesingar. I emnet er det lagt inn feltarbeid som del av det skriftlege arbeidet studenten leverer på slutten av semesteret
Obligatoriske aktivitetar (særskilde krav):
Det er knyta to obligatoriske seminar til emne. Begge seminara med tilknyting til det skriftlege arbeidet studenten skal levere i slutten av semesteret. Det første seminaret vil fungere som ein temapresentasjon. Her skal studenten levere ein tekst/skisse der han/ho presenterer val av tema og for feltarbeidet til det skriftlege arbeidet. Denne skal faglærar godkjenne. På seminaret er det også obligatorisk å vere opponent på ein av medstudentane sine tekstar. Neste seminar fungerer som responsgrupper. Studenten skal her utveksle tekst på førehand med andre studentar og faglærar. Arbeid i responsgrupper vil bli gått gjennom på førehand og som del av undervisninga. Tid for dei to seminara og fristar for innlevering av tekstar blir kunngjort på Classfrontar. Her vil også andre medstudentar sine tekstar bli lagt ut.
Vurderingsformer
Eksamen vert arrangert i slutten av semesteret og består av eit skriftleg arbeid på omlag 3000 ord. Det skriftlege arbeidet byggjer på feltarbeid. Graderte karakterar. Både obligatorisk deltaking i responsgrupper og som opponent må vere bestått for å få bestått karakter i emne.
Pensum
Se pensumliste
