Folkemusikk 2

Studiet har ein fellesdel og ein fordjupingsdel, kvar på 30 studiepoeng. Studiet svarar til andre året av bachelorstudiet i Folkemusikk.

Organisering

Fellesdelen i studiet tek opp folkemusikken som kulturpolitisk og historisk fenomen, og i fordjupingsdelen kan du velje mellom utøvande og allmenn formidling eller arkiv- og innsamlingsarbeid.

Studiet har tema som folkemusikkformidling, arkivarbeid og innsamling, utøving, satslære og arrangering, folkemusikken og samfunnet, tradisjonskunnskap og kjeldebruk.

Fleire tidlegare studentar held fram som utøvarar innan folkemusikk. Andre arbeider med undervisning i ulike skuleslag eller kombinerer utøving med andre yrker.