I 2005 mottok UDI ei rekkje søknader om ordinær arbeidsløyve frå nord-irakarar som tidlegare har hatt førebels og avgrensa arbeidsløyve utan rett til familiesameining i Noreg, såkalla MUF-løyve.

Søknadene blei leverte på bakgrunn av den førebelse forskrifta som trødde i kraft 27. juni 2005. Den omhandlar berre dei nordirakarane som kom til Noreg og søkte asyl i 1998,1999 og 2000 og som då fekk førebels og avgrensa løyve (MUF-løyve).

Arbeidsløyve etter den nye forskrifta dannar grunnlag for permanent opphald (bosettingsløyve) og kan gi rett til sameining med nærmaste familie. Følgjande vilkår måtte vere oppfylt for å få ordinær arbeidsløyve:

• Personen måtte ha hatt eit MUF-løyve tidlegare
• Personen måtte vere i heiltidsarbeid per 1. mai 2005
• Personen måtte kunne dokumentere identiteten sin.

Forskrifta gjeld ikkje personar som har gjort straffbare handlingar i Noreg eller i utlandet.