Laurdag 26. august arrangerer Oslopolitiet studentdag i samarbeid med UDI, Universitetet i Oslo og Statens lånekasse. Studentar ved UIO og BI kan denne dagen kome innom politiet i Storgata 33 og levere søknad. Forutsett at all nødvendige dokumentasjon ligg føre, vil søknadene kunne bli behandla på dagen.

Det er andre året på rad at Oslopolitiet opnar dørene for studentar, og gir høve til rask registrering og saksbehandling dersom vilkåra er oppfylte. Ekspedisjonen hos politiet held ope heile dagen, og saksbehandlinga kan ta ca. 2 -3 timar.

I fjor gjaldt dagen berre studentar frå land utanfor EØS-området, og som skulle studere ved Universitetet i Oslo. I år er tilbodet utvida til også å gjelde studentar frå EØS - land, og BI-studentar er også inkluderte.