Søknaden om asyl til Suria Rais vil bli individuelt behandla, på lik linje med alle andre asylsøknader frå Afghanistan.

På bakgrunn av fleire meldingar og oppslag i media vil Utlendingsdirektoratet (UDI) opplyse om at søknaden til kona til Shah Mohammed Rais, Suria Rais, vil bli individuelt behandla, på lik linje med alle andre asylsøknader frå Afghanistan. Det blir gjort ei eiga, sjølvstendig vurdering av barna sine asylgrunnlag.

Familien vil få eit butilbod som er tilrettelagt for behovet deira på lik linje med andre søkjarar som treng medisinsk oppfølging.

UDI vil presisere at det ikkje er mogeleg for direktoratet å uttale seg om asylsaker som er under behandling.