Bakgrunnen for auken er dei auka administrative kostnadene som følgjer av innføringa av visumdatabasen VIS. Ved etableringa av VIS blir biometriske data ein del av prosedyren for å søkje visum. Noreg deltek i samarbeidet om VIS gjennom Schengen-avtalen.

I visse tilfelle kan gebyrkravet reduserast eller fråfallast i tråd med nasjonal lovgiving. Dette gjeld i tilfelle der dette kan fremje kulturelle, utanrikspolitiske eller utviklingspolitiske interesser, andre viktige offentlege interesser eller tene humanitære omsyn.

Følgjande søkjargrupper er unnateke gebyr:

• Barn under seks år
• Elever, studentar og lærarar på skuletur/studietur
• Forskarar frå land utanfor EØS og EU som reiser for å drive forsking (gjeld spesielle reglar)

Visumgebyret for borgarar frå Albania, Bosnia-Herzegovina, den tidlegare jugoslaviske republikken Makedonia, Moldova, Montenegro, Russland, Serbia og Ukraina vil fram til 1. januar 2008 framleis vere 35 euro.