Midlane skal brukast til å leggje til rette for ei fritid med aktivitetar, og då i hovudsak aktivitetar utanfor mottaket. Aktivitetar som kan vere med på å styrkje barna si sjølvkjensle skal prioriterast. Aktuelle aktivitetar kan vere:

• Kurs i konflikthandtering
• Menneskerettskurs
• Ulike sportsaktivitetar, som for eksempel symjeopplæring, deltaking i lokale idrettsklubbar og liknande
• Ulike typar fritidsaktivitetar, som for eksempel drama, musikk, dans og liknande
• Ulike typar familiebaserte tiltak, som for eksempel kurs i matlaging eller andre tema/aktivitetar

Det er ein føresetnad at aktivitetane det blir innvilga midlar til, ikkje fell innanfor det programmet/aktivitetstilbod mottaka må forventast å ha ut frå kontraktar, styringsdokument m.v.

UDI ønskjer søknader frå mottaka, frivillige organisasjonar og/eller andre instansar som ønskjer å setje i gong aktivitetstiltak retta mot barn og unge i statlege mottak.

Søknader kan sendes til regionkontoret som har ansvar for mottaket der aktivitetstiltaket blir tenkt satt i verk. Regionkontora vil kunne gi utfyllande opplysningar.

Søknadene vil bli behandla etter kvart som dei kjem inn. Frist for innsending av søknad er sett til 30. juni 2007. Aktivitetane må gjennomførast i 2007.