Talet på asylsøkjarar som kjem til Noreg, heldt fram med å gå ned i 2005. Samtidig var det fleire som fekk løyve til å bli i landet. Eit anna viktig utviklingstrekk var aukande innvandring frå dei nye medlemslanda i EU, særleg Polen. Dette og mykje anna er det gjort nærmare greie for i denne rapporten, som prøver å gi eit bilete av migrasjonsåret 2005 på bakgrunn av dei data og erfaringar Utlendingsdirektoratet sit med.