- Det blir stadig færre bebuarar i asylmottak. Det heng saman med at det har vore ein generell nedgang i mengda asylsøkjarar dei siste åra og ein nedgang i mengda bebuarar som ventar på busetjing, seier direktør Ida Børresen.

Over halvparten av bebuarane i mottak ventar på uttransportering etter endeleg avslag, klagebehandling av asylsaka eller busetjing i ein kommune.

På grunn av færre bebuarar i asylmottak, er det i 2006 blitt lagt ned 10 asylmottak og rundt 1700 mottaksplassar. Ved utgangen av 2006 er det 66 asylmottak rundt om i landet.

Asylmottak er eit frivillig butilbod til asylsøkjarar som kjem til Noreg. Asylsøkjarar kan sjølv velje om dei vil nytte tilbodet om mottaksplass eller om dei vil bu utanfor asylmottak.