Mål og innhald
ARA201 konsentrerer seg om lesing og forståing av skjønnlitteratur og fagprosa som er skrive på klassisk og moderne standardarabisk. Kurset rettar seg mot å fremja innsyn i skilnadene mellom klassisk arabisk (frå 600-talet til 1900-talet) og moderne standardarabisk (etter 1900-talet). Samstundes er målet å utbetra og utvikla vidare studentane sin kunnskap i arabisk. Emnet utgjer ein obligatorisk del av spesialiseringa i arabisk.
Læringsutbyte/resultat
Kurset tek sikte på å betra den lesedugleiken som studentane har skaffa seg i ARA103, og skal utvida ordforrådet monaleg. Gjennom emnet skal studentane utvikla sin kunnskap i arabisk språk generelt ved å styrka forståinga av struktur, grammatikk og semantikk. Som språkretta kurs skal emnet gi dugleik i arabisk, då dette er grunnleggjande for å halda fram med mastergrad.
Undervisningssemester
Vår
Krav til studierett
Emnet er ope for alle med ein studierett ved UiB.
Krav til forkunnskapar
Ingen
Tilrådde forkunnskapar
ARA103 eller tilsvarande. For å kunne gjennomføra dette emnet må ein ha gode lesekunnskapar i engelsk og god skriftleg dugleik i norsk.
Undervisning og omfang
Emnet inneheld førelesingar med tekstanalysar av klassiske tekstar (om lag 4 timar i veka i 14 veker) og moderne tekstar (om lag 6 timar i veka i 14 veker).
Obligatoriske arbeidskrav
Det blir kravd at studentane har 75% oppmøte til undervisninga for å få vurdering i emnet.
Vurderingsformer
Vurderingsforma er todelt og er samansett av:
1. Ei skriftleg prøve på seks timar som omfattar tekstar frå skriftspråkpensum og ein ukjend tekst som skal omsetjast til norsk eller engelsk, vidare ein del grammatiske og stilistiske spørsmål, og dessutan fullstendig vokalisering eller transkripsjon av nokre oppgitte liner. Grammatikkdelen må vere greidd for at eksamen skal vere greidd. Tillate hjelpemiddel: Éi ordbok som vert delt ut på eksamensdagen. Ordboka er den same som vert brukt i undervisninga. Den skriftlege prøva utgjer 60 % av den samla karakteren i emnet.
2. Ei munnleg prøve (om lag 30 minutt) som inneheld a) opplesing og omsetjing av ein stutt tekst frå pensum, og svar på språklege spørsmål i tilknyting til teksten, b) samtale på arabisk (standard eller dialekt). Den munnlege prøva utgjer 40 % av den samla karakteren i emnet.
Det vert gitt éin samla karakter. Begge eksamensdelane må vere greidde i same semester.
Vurderingsformer
Vurderingsforma er todelt og er samansett av:
1. Ei skriftleg prøve på seks timar som omfattar tekstar frå skriftspråkpensum og ein ukjend tekst som skal omsetjast til norsk eller engelsk, vidare ein del grammatiske og stilistiske spørsmål, og dessutan fullstendig vokalisering eller transkripsjon av nokre oppgitte liner. Grammatikkdelen må vere greidd for at eksamen skal vere greidd. Tillate hjelpemiddel: Éi ordbok som vert delt ut på eksamensdagen. Ordboka er den same som vert brukt i undervisninga. Den skriftlege prøva utgjer 50 % av den samla karakteren i emnet.
2. Ei munnleg prøve (om lag 30 minutt) som inneheld a) opplesing og omsetjing av ein stutt tekst frå pensum, og svar på språklege spørsmål i tilknyting til teksten, b) samtale på arabisk (standard eller dialekt). Den munnlege prøva utgjer 50 % av den samla karakteren i emnet.
Det vert gitt éin samla karakter. Begge eksamensdelane må vere greidde i same semester.
Karakterskala
Ved sensur av emnet nyttar ein karakterskalaen A-F, der F er stryk.
Karakterskala
Ved sensur av emnet nyttar ein karakterskalaen A-F, der F er stryk.
Læremiddelomtale
Eit pensum på rundt 60 sider (40 prosent klassiske og 60 prosent moderne arabiske tekstar). Tilrådde ordbøker og oppslagsverk. Eit tilrådd hefte med artiklar og andre verk med realiatekstar knytte til tekstpensumet.
Emneevaluering
Undervisninga blir evaluert i tråd med UiB sitt kvalitetssikringssystem. Metoden for evalueringa er elektronisk, anonymt skjema.
