Mål og innhald

Overordna mål: Målet er at studentane skal tileigne seg grunnleggjande kunnskap om yrkeshygiene og arbeidsmedisin.

Innhald:

- Yrkeshygiene, arbeidsmedisin og bedriftshelseteneste - definisjonar

- Hovudpunkt innan yrkeshygiene

- Arbeidsrelatert sjukdom og skade

- Reguleringar og standardiseringar

- Litteratur og informasjonskjelder

- Yrkeshygiene og arbeidsmedisin i ulike land

Læringsutbyte/resultat

Kunnskapar

Etter fullført emne skal studentane kunne:

• gjere greie for hovudkonsepta innan yrkeshygiene og arbeidsmedisin
• forklare oppgåver og struktur for bedriftshelsetenesta
• kjenne igjen dei viktigaste risikofaktorane for sjukdom og skadar i arbeidslivet, både nasjonalt og globalt
• gjere greie for dei viktigaste yrkessjukdomane nasjonalt og globalt
• forklare dei ulike trinna i ein risikovurdering på arbeidsplassen
• gjere greie for samanhengen mellom eksponering på arbeidsplassen og helseskade
• gjere greie for hovudtrinna for å redusere uheldig arbeidsmiljøeksponering
• oppsummere internasjonalt lovverk, reguleringar og standardar

Ferdigheiter

Etter fullført emne skal studentane kunne:

• utføre ei innleiande risikovurdering på arbeidsplass
• gi råd om korleis ein kan førebyggja at arbeid gjev sjukdom, i tråd med lover og reglar på arbeidsplassen
• vurdere nytteverdien av forskjellige førebyggande tiltak på arbeidsplassen
• søkje opp relevant litteratur på området

Generell kompetanse

Etter fullført emne skal studentane:

• ha forståing for samspelet mellom ulike aktørar innan arbeidsmiljøarbeidet; arbeidsgjevar, arbeidstakar, vernetenesta, bedriftshelsetenesta, yrkesmedisinske avdelingar og Arbeidstilsynet
• reflektere over arbeid og helse i et globalt perspektiv
• skriftleg og munnleg formidling

Undervisningssemester

Haust (desember) - eksamen i januar

Studienivå

Master

Krav til forkunnskapar

Studentar som er tatt opp til masterprogram. Ein god bachelorgrad i medisin, odontologi, helsefag eller realfag. Gode engelskkunnskapar.

Undervisning og omfang

Kurset går over to veker i desember og januar. Førelesingar (19 timar) blir gitt den første veka av kurset (desember).

Demonstrasjon av utstyr for helseovervaking og eksponeringsmålingar er også inkludert i den første veka. Ein viktig del av kurset omfattar ei individuell studentoppgåve om relevante tilfelle frå ulik industri med litteraturstudie der fokus er på helserisiko relatert til yrkeseksponering og førebyggjande tiltak for å redusere slik risiko. Den endelege rapporten skal presenterast for diskusjon i forskingsgruppa.

Vurderingsformer

Skriftleg prøve (2t) og studentpresentasjon

Karakterskala

Karakterskalaen A-F vert nytta