Mål og innhald

Overordna mål:

Å gi kunnskap om støy og vibrasjonar som helsefarar på arbeidsplassen.

Innhald:

• Lyd og støy: akustikk, decibel, frekvensanalyse, regelverk
• Støyeksponering og hørselsreduksjon
• Trauma, tinnitus og skade på hårceller
• Temporær og permanent hørselsskade
• Otoakustiske emisjonar
• Ikkje audiologiske effektar av støy: kardiovaskulære effektar, kognitiv funksjon, osv.
• Måling av støy i industrien, feltøving
• Utrekning, tolking og presentasjon av resultat frå feltøvingane samt skriving av rapport til industrien
• Program for hørselsovervaking og kontroll
• Omfang av hørselsreduksjon på ulike arbeidsplassar
• Støyreduserande tiltak
• Tiltak ved støykjelda: Maskinar og verktøy
• Tiltak ved transmisjon: Rom-akustikk, barrierar
• Personleg hørselsvern: Støydemping og lekkasje
• Heilkroppsvibrasjonar og hand-arm-vibrasjonar: Definisjonar, eksponeringsvurdering og regelverk
• Kartlegging og tolking av vibrasjonseksponering
• Vitskaplege artiklar om støy- og vibrasjoneksponering: Lesing og diskusjon

Læringsutbyte/resultat

Læringsutbyte:

Kunnskapar

Etter fullført emne skal studentane kunne:

• gjere greie for fysiske karakteristika for støy og vibrasjonar i arbeidsmiljøet
• gjere greie for konsekvensane støy på helse og velvære
• gjere greie for fysiske karakteristika for heilkropps- og hand-arm vibrasjonar og tilhøyrande helseeffektar
• gjere greie for støy- og vibrasjonsreduserande tiltak

Ferdigheiter

Etter fullført emne skal studentane kunne:

• Utføre målingar i industrien for å undersøkje og vurdere risiko for støy og vibrasjonar
• Analysere feltmålingane (inkludert dosimetri) av støy og vibrasjonar med omsyn til risiko for helseeffektar og til dagens standardar
• Skrive tilbakemeldingsrapport om utførte målingar og vurderingar til industrien
• Gi råd om behov og kva type tiltak som kan brukast for å redusere eksponering for støy og vibrasjonar ved kjelda, ved transmisjon og ved arbeidstakaren

Generell kompetanse

• integrere kunnskap frå ulike fagområde
• skape god samhandling og gode samarbeidsrelasjonar mellom ulike aktørar innan arbeidsmiljøfeltet
• utøve ein vitskapleg tenkjemåte, og vise ei kritisk tilnærming til forskingsresultat
• skriftleg og munnleg formidling

Undervisningssemester

Vår

Studienivå

Master

Krav til forkunnskapar

Studentar som er tatt opp til masterprogram. Ein god bachelorgrad i medisin, odontologi, helsefag eller realfag. Gode engelskkunnskapar.

Undervisning og omfang

Kurset går over fire veker og inneheld førelesingar (24 timar), feltarbeid i industrien, gruppearbeid, skriftleg innlevering, studentpresentasjonar og kritisk analyse av relevante vitskaplege artiklar.

Feltarbeidet, som vert utført i industrien, med tilhøyrande arbeidsoppgåver er ein essensiell del av kurset. Dette medfører arbeid spreidd over heile kursperioden med avsluttande innlevering av skriftleg rapport. Feltarbeidet inkluderer førebuande teoretisk og praktisk arbeid, litteratursøk, arbeidsplassbesøk, industriell prosessbeskriving, datainnsamling/støymålingar i industrien, dataanalyse, rapport/skriftlege innlevering og presentasjon av resultat og konklusjonar for diskusjon i forskingsgruppa.

Vurderingsformer

Skriftleg prøve (3t) og gruppepresentasjon

Karakterskala

Karakterskalaen A-F vert nytta