Mål og innhald

Målet er å gje studentane eit oversyn over analysenivå og perspektiv i psykologi, medrekna det biologiske/evolusjonære perspektivet, det kognitive perspektivet og det sosiale/kulturelle perspektivet.

Emnet skal gje studentane innsikt i desse historisk sett viktige forskingstradisjonane i psykologifaget. Desse vil bli gjort greie for og drøfta med vekt på i) relevans for dagens psykologiske forsking, ii) integrasjon av perspektiv og forklaringsnivå, og iii) samfunnsrelevans.

Emnet har som mål å gje ei vidarekomande innsikt i psykologi som vitskap, gje eit oversyn over ulike forskingsdisiplinar innan faget og gje ei fordjuping i det vitskapsteoretiske fundamentet for psykologifaget.

Læringsutbyte/resultat

Kunnskap.

Etter fullført emne skal studenten:

• Ha inngåande kunnskap om sentrale perspektiv i psykologi.
• Ha inngåande kunnskap om forutsetningane i hovudtilnærmingane til psykologien: biologi/evolusjon, kognisjon og sosial/kultur.
• Ha kunnskap om ulike analysenivå og korleis desse kan hengje saman.
• Ha kunnskap om korleis dei vitskapsteoretiske forutsetningane for psykologien påverkar forsking og praksis.
  

Dugleik.

Etter fullført emne skal studenten:

• Kunne identifisere kva for perspektiv og analysenivå som ligg til grunn for psykologiske tekstar og forskingsarbeid.
• Kunne drøfte likskapar og skilnader i ulike psykologiske perspektiv.
• Kunne nytte ulike perspektiv for analyse av psykologiske problemstillingar.
• Kunne greie ut om implikasjonar av valt perspektiv for forsking og praksis.
  

Generell kompetanse.

Etter fullført emne skal studenten:

• Ha ei brei forståing av kva som kjenneteiknar psykologi som vitskapleg disiplin og som praksisfelt.
• Kunne reflektere over relevansen ved ulike perspektiv og analysenivå i forsking og praksis.
• Kunne identifisere og reflektere over dei ulike menneskesyna som kjem til uttrykk i ulike psykologiske perspektiv.

Undervisningssemester

Haust

Studienivå

Master

Institutt

Institutt for samfunnspsykologi

Krav til studierett

Oppmelding til emnet krev opptak ved masterprogrammet i psykologi.

Undervisning og omfang

• Førelesingar, totalt 18 timar.
• 3 seminar à 3 timar med studentaktivitet.
• 1 individuell oppgåve med tilbakemelding frå medstudentar.
• 1 gruppeoppgåve med tilbakemelding frå medstudentar og lærar/seminarleiar.

Obligatoriske arbeidskrav

Innlevering og godkjenning av 2 oppgåver. Godkjennes av faglærar.

Vurderingsformer

Skuleeksamen (4 timar) Studenten skal svare på 2 av 3 oppgåver.

Karakterskala

A-F

Læremiddelomtale

Tilrådd litteratur utgjer utvalde originalartiklar og lærebøker av eit omfang på omtrent 1000 sider.

Undervisningsstad

Bergen

Emneevaluering

Studentane skal evaluere undervisninga i tråd med UiB sitt kvalitetssikringssystem.