Beskrivelse

Kurset gir ei generell innføring i sentrale teoretiske aspekt ved mentorrolla og rettleiing av studentar og nye lærarar gjennom aktuell nasjonal og internasjonal forskningslitteratur. Samstundes har kurset ei tydeleg praktisk forankring med utgangspunkt i deltakarane sin eigen praksis som rettleiarar/mentorar.

Utdanninga tek sikte på:

• å utvikle kunnskap om grunnleggjande omgrep i rettleiing
• å styrke deltakarane si evne til å legge til rette for god rettleiingspraksis
• å auke deltakarane si innsikt i den profesjonelle utviklinga til læraren
• å utvikle praktisk dugleik i rettleiing
• å styrke deltakarane si evne til å reflektere over eigen rettleiingspraksis
• å auke deltakarane si etiske bevisstheit omkring rettleiing

Målgruppe

Lærarar i skulen som ynskjer auka kompetanse i rettleiing og som ynskjer å rettleie studentar i praksis og nye lærarar i skulen.

Undervisning

Studiet er lagt opp som eit deltidsstudium over to semester. Undervisninga er organisert som 8 dagssamlingar ved UiB. Samlingane er ein kombinasjon av førelesingar og diskusjonar, som tek utgangspunkt i deltakarane sin eigen rettleiingspraksis. Samlingane er i Bergen.

Samlingar våren 2015:

Onsdag 28. januar
Tysdag 10. mars

Måndag 20. april
Onsdag 21. mai

Samlingar hausten 2015:  

Torsdag 3. september
Torsdag 1. oktober
Torsdag 5. november
Torsdag 3. desember

Obligatoriske arbeidskrav

Studentane skal:

• delta på minst 6 av 8 samlingar
• skrive 3 tekstar, kvar på minst 1000 ord. Tekstane blir publisert innan gitte fristar på den digitale læringsplattforma Mi side
• gje tilbakemelding til medstudentar digitalt på ein av tekstane
• gje munnleg og skriftleg tilbakemelding på tekstseminar til to medstudentar
• Skrive eit refleksjonsnotat om pensumlitteraturen i studiet 

Vurdering / eksamen

Eksamenstekst på 4000 ord. +/- 10 %.

Ved sensur vert karakterskalaen A-F nytta

Krav til datautstyr

Datamaskin med Internettilkopling og e-post.  

Studiefinansiering

Studiet har inga studieavgift.  

Opptaks- og forkunnskapskrav

Opptakskrav:

Godkjent lærarutdanning og minimum tre års yrkeserfaring som lærar i skulen