Kjerna i verksemda til NUPI er å skaffe fram kunnskapen og innsikta som gir grunnlaget for å stille nye spørsmål og sjå nye samanhengar. Noreg er avhengig av stabile og opne samband med resten av verda, og NUPI si innsikt i tilhøve som verkar inn på internasjonal politikk og økonomi, er viktig i utforminga av norsk politikk. Etter verksemd i snart femti år er NUPI eit av dei leiande, uavhengige kompetansesentra i Noreg for forsking og informasjon om internasjonale politiske og økonomiske spørsmål, og om tilhøve av særleg interesse for norsk utanrikspolitikk.