Bachelor i vernepleie

Klikk for større bilete

Studieleiar: høgskulelærar Ole Martin Hitland

Vil du arbeide med å gi menneske betre livskvalitet og trivsel i kvardagen?
Ved bachelorstudiet i vernepleie får du både pedagogisk og helsefagleg kompetanse til å arbeide systematisk med tilretteleggjing for og opplæring av personar med samansette funksjonsvanskar. Utfordringar knytt til psykisk utviklingshemming er sentralt i utdanninga. Som vernepleiar kan du også arbeide med andre brukargrupper, som personar med fysiske funksjonshemmingar og psykiske lidingar og eldre. Mykje av arbeidet vert utført i nært samarbeid med brukarar, pårørande, nærmiljø og andre yrkesgrupper.

Vernepleiaren arbeider til dømes med:
miljøarbeid i helse- sosialtenesta:
- heimeteneste
- habilitering
- eldreomsorg
- dagtilbod
opplæring og tilrettelegging i:
- fritid
- arbeid.

Innhald i studiet
Studiet er sett saman av tverrfaglege emne som til dømes innheld fag og tema som: psykologi, jus, pedagogikk, helsefag, samfunnsvitskap, miljøarbeid, habilitering/rehabilitering, kommunikasjon, etikk og aktivitetsfag. Du lærer gjennom forelesingar, seminar, gruppearbeid, ferdigheitstrening, oppgåveskriving, prosjektpraksis, praksis og individuelt studium. Meir informasjon om innhald i studiet finn du i studieplanen og i rammeplanen. Studentar som tek til på studiet frå hausten 2006 følgjer ein ny studiemodell og er omfatta av Forskrift om skikkethet i høyere utdanning.

Bli kjent med yrket - praksis
1. året
Tidleg i studiet vil du få ei første innsikt i yrket gjennom å intervjue vernepleiarar ute i arbeid. Du vil få utdjupa innsikt i yrket gjennom ei innføringspraksis i vårsemesteret der studentane arbeider i grupper ved Høgskulen, etter først å ha vitja og utført intervju ved ein arbeidsplass.
2. året
11 veker helsefagpraksis innan pleie- og omsorg i haustsemesteret.
11 veker praksis i miljøarbeid - trening, opplæring, stimulering - med psykisk utviklingshemma i vårsemesteret.
3. året
10 veker valfri brukarrelatert praksis i haustsemesteret.

Les meir om praksis

Forsmak på framtida samarbeid
I siste studieåret få du ein unik sjanse til å øve deg i samarbeid med framtidige samarbeidspartnarar. Du får øve deg som vernepleiar gjennom å arbeide med ein tenkt situasjon frå arbeidslivet. Du arbeider saman med sosionom-, barenvern-, førskule- og allmennlærarstudentar.

Studere i utlandet
Som vernepleiarstudent ved Høgskulen i Sogn og Fjordane kan du søkje om å ta haustsemestret tredje studieåret ved ein utanlandsk utdanningsinstitusjon. Dei siste åra har ei gruppe studentar studert ved CVU Fyn i Danmark. Det arbeidast med å få til avtale med utdanningsinstitusjonar i England og i Island.

Studieleiar: høgskulelærar Ole Martin Hitland

Aktuelt

Sist endra av: Caisa Hedlund, 28. desember 2006 10:53:58
Publisert av:   Guy Steffen Brun, 03. desember 2006 14:53:48