Praktisk-pedagogisk utdanning (PPU)

Studieinnhald

I studiet vidareutviklar du fagkompetansen din. Du lærer å undervise i dine fag og utviklar sosial og yrkesetisk kompetanse som førbur deg til læraryrket.

Du lærer

• å planleggje og evaluere undervisning og læring
• om etikk og yrkesidentitet
• å leggje til rette for tilpassa opplæring
• å samarbeide med elevar/lærlingar, kollegaer, foreldre og andre for å planleggje, gjennomføre og vurdere opplæringa

Du har 12 veker praksis.

Studieplan

I studieplanen finn du informasjon om korleis studiet er bygd opp, oversikt over emne, pensum med meir. Les den!

Undervisningsmåtar

Du lærer gjennom forelesingar, arbeid og diskusjonar i grupper og seminar, prosjektarbeid og ulike praktiske aktivitetar.

Opptakskrav

Begge opptakskrava må vere oppfylt:

• Fullført universitets- eller høgskuleutdanning av minimum tre års omfang, som kvalifiserer for undervisning i skulefag i grunnskule eller fellesfag i vidaregåande opplæring
• Minimum 60 studiepoeng (sp) i eit eller to fag, med innhald som har relevans for undervisning i skulen

Fagtilbod 2015-16

Fagdidaktikk i samfunnsfag, framandspråk, norsk, matematikk, naturfag og kroppsøving.

Dersom du er kvalifisert for to fag, skal du ha fagdidaktikk i begge faga.

Det er ein føresetnad for opptak at søkjarane har fag som høgskulen kan tilby fagdidaktikk og praksisplassar i, og at det blir nok søkjarar innanfor dei enkelte fagdidaktikkområda.