Organisering av helse- og sosialtenester til eldre

Studieinnhald

 Utdanninga vil hjelpe deg til å gjere vurderingar og ta avgjerder på eit rettsleg og etisk haldbart grunnlag i eldreomsorga. Helsetenesta sine utfordringar i lys av samhandlingsreforma vil stå sentralt i studiet.

Du lærer om

• systemisk- og individuell planlegging
• ikt i helse- og sosialsektoren. Pasientadministrative system, handsaming av pasientdata og leiing av prosessar der bruk av IKT-hjelpemiddel står sentralt.
• offentleg sakshandsaming knytt til eldreomsorga. Innføring i dei delar av rettsforvaltninga som handlar om det å fatte lovlege vedtak og vurderingar av tildeling av rettar og goder etter sentrale lover.
• kvalitet og kommunikasjon. Dei kvalitative sidene ved det å vere arbeidsleiar: Kommunikasjon mellom menneske, inverksetjing av faglege utviklingsprosessar, styring og kontroll av arbeidsprosessar og kvalitetssikring av prosessar i møte mellom menneske.

Studieplan

I studieplanen finn du informasjon om korleis studiet er bygd opp, oversikt over emne, pensum med meir. Les den! 

Undervisningsmåtar

Du lærer gjennom fellessamlingar, gruppearbeid, sjølvstudium, rettleiing og skriftleg arbeid.

Det er lagt opp til tre samlingar á tre dagar, og arbeid mellom samlingane.