Reglar for bruk av IT-tenester

Utgangspunktet for reglane er å unngå aktivitet som er til skade for andre, eller misbruk av ressursar. Ver spesielt oppmerksom på lovverk knytta til opphavsrett ved publisering på nett.

Det er ulovleg å

• plassere uautoriserte Web-, Ftp-, eller andre serverar eller serverprogramvare på nettet til HiSF, herunder også fildelingssystem for utveksling av MP3, film osv.
• bruke nettet til støytande eller krenkjande verksemd som fornærmar eller forulempar andre brukarar.
• bryte andre brukarar sin rett til personvern.
• bruke nettet til ulovleg verksemd i følgje norsk lov, inkludert nedlasting av ulovleg materiale og lagring av dette (herunder også piratkopiering av program, musikk, video osv.).
• bevisst spreie virus eller anna programvare som er til skade eller plage for andre.
• misbruke annan person si e-postadresse, passord eller tilgang til nettet og serverar, eller å skaffe seg ulovleg tilgang til andre ressursar på nettet
• skjule sin eigen identitet, unntatt når slik tildekking er eksplisitt tillete.
• sløse med ressursar (menneske, kommunikasjonskapasitet og datautstyr).
• øydeleggje innhald eller struktur i datalagra informasjon.

Alle datamaskiner som blir kopla til høgskulen sitt nettverk direkte eller via radionett, skal ha oppdatert og aktiv viruskontroll.

I tillegg gjeld regelen om god ”nettetikette” og allmenne reglar for bruk av internett, samt Uninett sine reglar om akseptabel bruk av nettet.

Høgskulen vil utan varsel føreta nødvendig logging av aktivitet og trafikk for å sikre akseptabel drift og sikkerheit i nettverk og tenesteproduksjon.

Brot på reglane kan føre til utestenging, og vil i alvorlege høve bli meld til politiet.