Under og etter utvekslingsoppholdet

Under utvekslingsopphaldet

Dersom det oppstår endringar i studieprogrammet i forhold til det som er oppgitt i Learning Agreement eller fagleg forhåndsgodkjenning, må du umiddelbart avklare dette med instituttleiar eller internasjonal koordinator ved avdelinga di. Eventuelle endringar kan ellers føre til reduksjon i studiepoeng.

Før du reiser heim må du ordne med fagleg dokumentasjon for opphaldet ditt frå vertsinstitusjonen. Karakterutskrift eller stadfesting kan du enten få med deg, eller den kan sendast direkte til HiSF frå vertsinstitusjonen. Denne dokumentasjonen vil legge grunnlag for endeleg fagleg godkjenning etter opphaldet og innpassing ved HiSF.

Sikkerhet og beredskap

Vi er opptatt av din sikkerhet når du er på utveksling, og vi har derfor ein beredskapsavtale med Sjømannskyrkja.

Avtalen omfattar omsorg og krisehandtering overfor studentar og pårørande. Når du er på utveksling i regi av HiSF, kan du kontakte Sjømannskyrkja gjennom deira 24-timars beredskapstelefon (+47 951 19 181) dersom du treng hjelp og støtte der du er.

Sjømannskyrkja kan bidra med blant anna

• besøk på sykehus
• samtale og bearbeiding av hendingar overfor enkeltpersonar, medstudentar og pårørande
• personlege samtalar med nettprest

Sjømannskyrkja har studentprestar i alle verdsdelar og er representert i mange land, enten med ein stadleg representant eller ein reiseprest. For fullstendig oversikt over Sjømannskyrkja sine tilbod og kor dei er lokalisert, sjå Sjømannskyrkja sine nettsider for studentar.

Last ned Sjømannskyrkja sin app

App'en viser blant anna nødnummer i ulike land og nødnummer til norsk UD.

Følg også Utenriksdepartementet sine offisielle reiseråd for det landet du oppheld deg i. 

Etter utveksling

Etter at du har kome tilbake til HiSF, må du sjølv sørge for å få endeleg fagleg godkjenning og innpassing av ditt studie- eller praksisopphald i utlandet, ved å legge fram alle attestar, karakterutskrifter og liknande til internasjonal koordinator ved avdelinga di. Etter innpassing vil vi sende informasjon direkte til Lånekassen.

Du skal også fylle ut ein studentrapport til HiSF. Alle Erasmus+ studentar må i tillegg fylle ut Erasmus Student Report gjennom rapporteringsverktøyet Mobilty Tool. Det blir automatisk sendt melding til deg etter at utenlandsopphaldet er over. Dette må du gjere for å få ut siste del av Erasmus+stipendet.