Velkomen til Avdeling for kulturfag
Som det største kulturfagmiljøet mellom Bergen og Trondheim har vi særlig fokus på den kreative studenten som ønskjer praktisk kompetanse med god fagleg forankring.
Hos oss kan du studere og kombinere fag innan drama og teater, idrett og friluftsliv, kunst og handverk, medie- og kommunikasjonsteknologi og musikk.
Ved avdelinga arbeider 42 tilsette og vi har om lag 400 studentar innanfor ulike bachelorprogram, årsstudium og fleire halvårsstudium, fordjupingsstudium og vidareutdanningar.
Produksjonar og praksis, i form av oppsetningar, konsertar, utstillingar, ekskursjonar, opplevingar og utplasseringar i skule og arbeidsliv er viktige delar av studia.
Forsking og utviklingsarbeid i fagmiljøa og studia er retta mot fritid, kultur- og arbeidsliv, men også mot lærarutdanning og arbeid i barnehage, grunnskule, vidaregåande skule og vaksenopplæring.
Avdeling for kulturfag sine tilsette har kontor på nyeloftet i Kaarstad-huset og på Brakketun, og avdelinga har gode lokaler på Kaarstad-huset og i Idrettsbygget.
Høgskulen i Volda, Postboks 500, 6101 Volda | Telefon: 70 07 50 00 | Telefaks: 70 07 50 51 | Kontakt ossOppdatert av Aud Marit Sofie Wigg 2009-02-24 14:32:03 | Publisert med NetEd : Publish
