Foreldre og lærarar saman om det faglege innhaldet
Initiativ frå foreldra
Ved ein skule, i 2. og 3. klasse var tema ”Samanheng mellom primærnæringa og maten på bordet”.
Initiativet til samarbeidet kom frå foreldra. Dei ønska å slå eit slag for primærnæringa.
Klassekontakt og klassestyrer la fram eit forslag til opplegg, og forslaget var oppe som sak på foreldremøte. Alle var einige om at det var viktig å lære ungane samanhengen mellom primærnæringa og maten vår. Fire foreldre melde seg til å vera med i plangruppe saman med klassestyrar.
Slik blei opplegget
- Besøk på ein gard i april: Elevane var med på mjølking, foring og stell i kufjos. Dei var med å merke og vega lam, og arbeidde med lam og ku som tema på skulen i to veker.
- På eit foreldremøte i slutten av august var det vidare planlegging av tur til fjells og sauesamling.
- Fjelltur i september til ei seter. Her vart gjetarhund ”demonstrert”.
- Elevane fann att mange av lamma dei var med og merkte i april og vog dei. Konkurranse i grupper med ungar og vaksne. 16 foreldre var med på turen.
- I oktober var elevane (i grupper på 7) med og parterte lam på eit storkjøkenet i bygda (ei av mødrane i klassen jobba der). Ein ”bygdeslaktar” var med for å syne oppdeling og fortelja om delane. Det vart sydd sauerull og laga mat til sosial matsamling for store og små om kvelden.
|
 |
|
|
|
