Måndag 16. januar gjekk startskotet for Foreldreundersøkinga for våren 2006. Undersøkinga er eit godt verkty for å kartleggje kva foreldra meiner om grunnopplæringa.
dersøkinga er nettbasert og tilgjengeleg fram til 1. mai, melder Utdanningsdirektoratet.
Utdanningsdirektoratet tilbyr fire brukarundersøkingar: Elev-, Lærar-, Foreldre- og Lærlingundersøkinga. Når resultata av undersøkingane er klare, bør skuleleiinga analysere resultata saman med elevråd, foreldrerepresentantar, lærarar og andre tilsette.
Foreldreundersøkinga er rektor sitt ansvar. Foreldre som vil medverke i undersøkinga, kan kontakte rektor eller FAU. Undersøkinga er, som Lærar- og Lærlingundersøkinga, eit frivillig tilbod. Foreldra i grunnskulen kan seie meininga si om læringsmiljøet, og lærlingane får formidla erfaringane sine om opplæringa i lærebedriftene. Undersøkingane gir ein ”tilstandsrapport” om opplæringa i dag.
Elevinspektørane har i år skifta namn til Elevundersøkinga. Elevundersøkinga er obligatorisk. Alle elevar på 7. og 10. trinn og på fyrste trinn på vidaregåande må gjennomføre Elevundersøkinga innan 1. mai.
Før elevane svarer på spørsmåla, bør elevane, foreldra og dei tilsette i skulen informerast om formål, innhald, gjennomføring og oppfølging av undersøkinga.
Utdanningsdirektoratet ber skulane om å formidle denne informasjonen til heimane før Elevundersøkinga blir gjennomført. Utdanningsdirektoratet har i år sendt ut brosjyrar og plakatar om Elevundersøkinga 2006 til alle grunnskular og vidaregåande skular.
Resultata frå den obligatoriske delen av undersøkinga skal publiserast på skoleporten.no.
Les meir:
Informasjon om undersøkingane på www.udir.no/undersokelser
Brosjyren: Informasjon om elevundersøkinga
Til foreldre og føresette om Foreldreundersøkinga
Les meir om korleis foreldra kan medverke i utviklinga av skulen din:
