Internasjonale gjester til HiG
Tysdag 11. september hadde HiG besøk av 15 gjester frå internasjonale samarbeidspartnarar, blant anna frå Tyskland, Frankrike, Belgia, Australia og Canada. Programmet på HiG var ein del av eit 2 dagars arrangement ved høgskolane i Hedmark, Gjøvik og Lillehammer.
HiL, HiG og HiHm har eit tett og godt samarbeid om internasjonalisering, og fleire av gjestene representerer samarbeidsinstitusjonar som er felles for dei tre høgskolane. I løpet av besøket på HiG fikk dei presentasjonar ved avdelingane samt omvising på campus, blant anna på medielaboratoria, fargelaben, klinikklaben og radiograflaben.
Studentar på Avdeling for ingeniørfag (ING) stilte også opp og demonstrerte nokre av prosjekta dei jobbar med.
Onsdag 12. september held programmet fram på HiL. Dei fleste av deltakarane skal så vidare til Trondheim for å delta på konferansen European Association for International Education (EAIE). Denne konferansen samlar over 2000 deltakarar som jobbar innan internasjonalisering av høgare utdanning.
Postboks 191, Teknologivn. 22, 2802 Gjøvik, Tlf. 61135100, Faks 61135170, E-post: postmottak@hig.no
Ved spørsmål eller kommentarer til websiden, webredaksjonen
