Studiet SRS105 Utveksling for Utvikling / Exchange for Development 30 stp er eit samarbeid med Fredskorpset / fk-norway

Kandidatar frå ulike lærarutdanningsmiljø ved høgskular/universitet kan søke om deltaking i utvekslingsprogram mellom Høgskulen i Volda som "North-Partner" og fire colleges som gir lærarutdanning i Malawi og Namibia som "South-Partners". Du må vere i alderen 18 til og med 25 år.
"Nord-Sør"- kunnskap, internasjonal forståing," brubygging" mellom ulike kulturar og samfunn, ha fokus på skule og utdanning og FNs tusenårsmål + oppleve Afrika er sentrale stikkord i "utvekslingsstudiet" som primært tar sikte på å utdanne engasjerte samfunnsfaglærarar.

Søknadsfristen for å kome med i 2008-programmet er 1.oktober.

For meir informasjon, søknadsskjema etc kan du kontakte prosjektleiar Norleif Vik, nv@hivolda.no 97192496 eller førstelektor Odd Ragnar Hunnes orh@hivolda.no  

Opplegget er slik:

Januar 2008: Førebuingsfase i Volda + ei veke v. Fredskorpset i Oslo

Februar- April 2008: Opphald i Namibia eller Malawi
To studentar reiser saman til kvar av dei to partnarane i Namibia og fire til Chancellor College i Malawi.  Å lære om samfunnet med vekt på skule og utdanning er sentralt.  Det skal også samlast stoff til prosjektoppgåve som er ein del av studiet.

Mai-juni : Informasjon om opphaldet og oppgaveskriving.

Etter avsluttande samtale / muntleg eksamen før studiestart i august kan ein oppnå 30 studiepoeng  samfunnsfag.

Utgifter til reise og opphald blir dekt av prosjektmidlar og stipend frå lånekassa.

Skriv ut