Lars Drage - arbeidsmappe

Studieforløp:

Studiets lengde:
180 st. p.

Forkrav/Opptakskrav/Tilrådd forkunnskap:
Studenten bør kunne nytte standard IKT-verktøy og elektroniske læremiddel som tilsvarer det suppleringskurset (25 timar) som vert tilbydd studentar i allmennlærarutdanninga. Studentar utan slikt grunnlag kan etter behov få tilbod om kurs ved semesterstart

Kompetanse:
Studiet gir kandidatar didaktiske, teoretiske og praktiske kunnskapar innan mediefeltet, med teknisk fordjuping i informasjons- og kommunikasjonsteknologi og i design. Studiet gir teoretisk og praktisk kunnskap i formidling og informasjonsstrukturering gjennom prosjektarbeid og undervisnings- og bransjeretta praksis. Kandidatane blir kvalifisert for ei lang rekkje oppgåver innan undervisning, opplæring og brukarstøtte i skuleverket, og i det offentlege og private næringsliv. Utdanninga kan, ut frå spesialisering, kvalifisere for opptak til mastergrad innan disiplinfag. Gjennom eitt års påbygging kan studiet gi fast tilsetjing i skuleverket. Studiet gir ingen formell kompetanse i grafisk design og formgiving, men vil styrke realkompetansen på dette fagfeltet.

Mål:
Det primære formålet med studiet er å utdanne meklarar mellom teknikk og innhaldsproduksjon gjennom å gi kandidatar ei brei yrkesretta utdanning for undervisningsrelaterte og informasjonstekniske oppgåver knytt til medie-, IKT- og informasjonsarbeid i skuleverket, offentleg sektor og i næringslivet.
Studiet er eit tverrfagleg studium med eit didaktisk fokus der ein kombinerer teoretiske, analytiske, tekniske og praktiske tilnærmingsmåtar. Målgruppe er studentar med interesse for både formidlingsmessige, tekniske og estetiske sider ved bruk av ulike medium og IKT. Studiet er særleg retta mot studentar som vil arbeide med medie- og IKT-relaterte oppgåver i grunn- og vidaregåande skule.

Innhald:
Studiet er knytt opp til avdeling for lærarutdanning og byggjer på rammeplanar for mediekunnskap og IKT for lærarar. Studiet har såleis eit didaktisk retta fagleg fokus. Gjennom studiet skal studentane få innsikt i undervisningsrelaterte fagfelt, både i teori og praksis.

Studenten skal tileigne seg:
- eit teoretisk og praktisk grunnlag for å forstå den rolla media og IKT spelar i samfunnet og for kvart einskild individ
- grunnleggjande innsikt i korleis medie- og skuleorganisasjonane er bygde opp og fungerer
- innsikt i ulike medium si rolle i lærings- og sosialiseringsprosessar
- innsikt i korleis media og IKT fungerer som kulturformidlarar og kulturskaparar
- innsikt i korleis ein kan legge til rette for mediedidaktisk arbeid i og utanfor skulen
- praktisk kunnskap i å lage eigne medieprodukt
- evne til didaktisk refleksjon over bruk av teknologi i planlegging og gjennomføring av undervisning.

Studiet skal gi innsikt i eit designomgrepet knytt til ulike medium, og som omfattar ulike sider ved formgiving. Dette omfattar teknisk formgiving - programmering/komposisjon og informasjonsdesign, visuell formgiving - estetikk og uttrykksdesign, og interaksjonsformgiving - formidling og funksjonelt design, men også formgiving av innhald kopla til informasjonsmål, målgruppe og medium.

Studiet skal i utgangspunktet femne om alle typar medium, men både i dei teoretiske og praktiske delane av studiet vil det bli lagt særleg vekt på nye elektroniske og nettbaserte medium. Fagfeltet er inne i ei rask utvikling og krev stadige oppdateringar av innhald i studiet.

Hentet fra studiehåndboken ved Høgskulen i Volda

Studieforløp:

Bachelor i Media, IKT & Design

MID 1 2002/03

MID 2 2003/04

MID 3 2004/05