Konservativt opprør i Kyrkja
Av:
Mari Hauge Åsland
Teologar oppfordrar til boikott av homovennlege biskopar.
Foto: Kerry Moorhouse
Slepp dei homofile prestane inn i Kyrkja?
Fire teologar i Den norske kyrkja vil ikkje leiast av biskopar som godtek
homofilt sambuande prestar. Dei oppfordrar statskyrkjemedlemmar over heile
landet til å skriva under på eit opprop for å få ei leiing som kan
«stadfesta kyrkja sin apostoliske karakter og vitneprov.»
Oppropet vart lansert onsdag morgon som ein reaksjon på at Kyrkjerådet har
gått inn for å oppmoda Kyrkjemøtet å gå vekk frå vedtaka frå 1995 og 1997 om
at homofile sambuarar i partnarskap ikkje skal ha vigsla stillingar i kyrkja.
Ynskjer ikkje å splitta kyrkja
Ein av teologane bak oppropet, sokneprest Dag Øivind Østereng, avviser at
dei har til hensikt å splitta kyrkja. - Me ynskjer å samla Kyrkja på ein
grunn, seier han.
- No er det toleranse for at alt er lov. I eitt bispedøme er homofilt samliv
synd og galt, og ein kan ikkje få korkje stillingar eller velsigning. I eit
anna bispedøme kan ein bli både prest, prost og biskop og få velsigning.
Også sokneprest i Meland i Hordaland, Sverre Langeland, er ein av
pådrivarane for oppropet. Saman med Østereng høyrer han heime i Bjørgvin
bispedøme, kor Ole D. Hagesæther er biskop. Han tilhøyrer den konservative
fløya, som meiner at homofilt samliv er i strid med Bibelen.
Dei andre teologane bak oppropet er Knut Alfsvåg, førsteamanuensis ved
Misjonshøgskolen i Stavanger, og Joachim Grün, teologisk vegleiar.
Frontane hardnar til
Utspillet viser at frontene hardner til før kyrkjemøtet i november i år.
– Me har ikkje tenkt å bryta fellesskapet med Hagesæther. Det me ber om, er
noko som må gjelda heile kyrkja vår, seier sokneprest Dag Øivind Østereng
til NTB.
Oppropet rettar seg altså ikkje til Kyrkja sitt øverste organ Kyrkjemøtet,
som skal handsama homofilisaka i november, hevdar forfattarane.
Ikkje rom for ulike syn
– Me henvender oss til biskopane. Me ynskjer ein samtale med bispemøtet for
å etablera moglegheit for ei alternativ leiing. Dei to syna i homofilisaka
kan ikkje stå side om side i Kyrkja, sier Østereng.
Han erkjenner at det allereie er to ulike syn innanfor Kyrkja, men meiner
det er eit langt steg derifrå til at Kyrkja offisielt skal godkjenna
ordinering av homofile prestar.
– Det har vore ulydigheitshandlingar frå biskoper som har gjort som dei
ville og ikkje brydd seg om avtalane som er inngått på Kyrkjemøtet. No vert
det opna for at dette skal kunna skje med legitimitet, og dermed opnar ein
for to syn i Kyrkja, sier Østereng.
Parallell til kvinnene
Østereng ser parallellar til måten ordningen med kvinnelege prestar vart
innført på i Den norske kyrkja.
– Det var ikkje basert på ei felles kristen forståing, men på politisk press
og frimodige handlinger frå enkeltpersonar. Dei som er samde med oss, men
som er i tvil om kva de skal gjøre, må spør seg sjølv kva dei eigentleg er
iferd med å forsaka. Det gamle kyrkjesynet vil døy ut dersom det ikkje vert
verna rettsleg.
(NTB)
Tilrettelagt for web av:
Desk Editor 2
