Arbeidsoppgåvene til instituttet er å:
- varsle vêret
- studere Noregs klima og gje klimatologiske utgreiingar
- drive meteorologiske observasjonsnett i Noreg, nærliggjande havområde og på Svalbard
- drive nok forskings- og utviklingsarbeid til å kunna løyse faglege og praktiske oppgåver
- levere flyvêrtenester
- spreie resultata av arbeidet sitt
- ta oppdrag og yte spesialtenester for offentlege og private interesser mot full kostnadsdekking frå brukarane
- vera med i det internasjonale meteorologiske samarbeidet
 |
I dag har instituttet tre kontor i Noreg; i Oslo, Bergen og Tromsø. Til saman er det ein stab på rundt 420 tilsette. I tillegg
løner instituttet om lag 600 observatørar spreidd over heile landet på sine mange observasjonsstasjonar.
Oppgåvene blir delvis løyst gjennom statsstøtte og delvis gjennom prosjekt- eller brukarfinansiering:
Den statsfinansierte delen består av:
- Observasjonar: Drift, innsamling og dataoverføring av observasjonar nasjonalt og internasjonalt
- Forsking og utvikling finansiert over statsbudsjettet:
Utvikling og overvaking av operasjonelle modellar, beredskapsoppgåver og generell klimaforsking - Vêrvarsling:
Grunnleggjande prognosar, analysar, utarbeiding av vêrvarsel og beredskapsoppgåver. - Klimatenester:
Observasjonar, databasar og generell klimainformasjon.
Brukarfinansiert del:
- Varsel og prognoser tilrettelagde for brukarane (kommersiell meteorologi)
- Flyvêrteneste (Avinor og Forsvaret)
- Brukarfinansierte klimatenester:
Førespurnader om vêr og klima, klimadata og klimastatistikk, miljødata frå kontinentalsokkelen (handteringskortnader) - Oppdrag og utgreiingar:
Konsekvensutgreiingar innanfor atmosfære og hav, spreiing av ureining til havs, modellering av luftforureining, kvantitative nedbørutrekningar, klimatologi på regional og lokal skala, utrekning av ekstrem og spesiell klimainformasjon.
