Mekling for
foreldre
Foreldre med felles born under 16 år må
møte til mekling før dei kan søkje om separasjon eller om skilsmisse på
bakgrunn av faktisk separasjon. Også sambuande foreldre som skil lag må møte
til mekling. Siktemålet med meklinga er at foreldra skal få hjelp til å lage
avtalar om foreldreansvar, om kvar barnet skal bu fast, og om omfanget av
samværet.
Foreldre som ønskjer å reise sak for
retten om dei same spørsmåla, må også møte til mekling. Det gjeld uavhengig av
om foreldra aldri har budd saman eller om dei har vore gifte eller sambuande.
Ein meklingsattest varer i 6 månader.
Alle familievern‑ og familierådgivingskontor driv mekling. Fylkesmannen
kan ved behov oppnemne andre meklarar, til dømes prestar, advokatar, psykologar
eller fagpersonar tilsette på offentlege helse‑ og sosialkontor eller ved
pedagogisk-psykologiske tenestekontor. Fylkesmannen kan gi opplysningar om kven
som er meklarar i det aktuelle fylket.
