Hovudfelta for Noregs samarbeid med EU

Dette er hovedfelta i Noregs samarbeid med EU:

EØS-avtalen

EØS-avtalen gjer Noreg til ein del av den indre europeiske marknaden som i dag dekkjer 28 land med i alt om lag 475 millionar innbygjarar.  Avtalen inneber

• fri rørsle av varer, tenester, kapital og personar
• like reglar og krav til varer og tenester når det gjelder helse og tryggleik, miljøvern og forbrukarinteresser
• felles konkurransereglar, reglar for offentlege innkjøp og reglar for statsstøtte, for å sikre like og rettferdige konkurransevilkår mellom bedriftene i hele EØS-området slik at EØS-landa saman fremjer økonomisk vekst og nye og betre arbeidsplassar.
• samarbeid på andre område, først og fremst programsamarbeid om blant anna forsking, utdanning, miljøvern, forbrukarpolitikk, informasjonsteknologi, kultur, sosialpolitikk, likestilling, turisme og om politikk for små og mellomstore bedrifter. [Les meir om EØS]

Norsk støtte til økonomisk utvikling i EU

På grunnlag av EØS-avtalen støttar Noreg økonomisk utvikling og utjamning i EU gjennom to finansieringsordningar: ei EØS-ordning og ei reint norsk ordning. Det norske bidraget til desse utgjer ca. 227 mill. euro (omlag to milliardar kroner, avhengig av kursutviklinga) på årsbasis i perioden 2004-2009. Mesteparten av midlane går til nye EU/EØS-land.

Justispolitkk

Noregs tilknytingsavtale med Schengen-samarbeidet betyr

• at Noreg, Island og 13 EU-land har felles grensekontroll og at norske borgarar kan reise passfritt i heile Schengen-området;
• at Noreg deltar i dei deler av EUs samarbeid mellom politi- og innvandringsstyresmakter som er relatert til grensekontroll.

I tillegg har Noreg

• slutta seg til EUs Dublin-samarbeid, som regulerer kva land som har ansvaret for å behandle ein asylsøknad og hindrar at personar fremmer asylsøknad i fleire land, eller fleire gonger i same land;
• inngått ein samarbeidsavtale med Europol, eit samarbeidsorgan for medlemsstatanes politistyrkar til førebygging av alvorlige former for internasjonal organisert kriminalitet;
• inngått ein avtale om norsk tilknyting til Eurojust, eit samarbeid om etterforsking og straffeforfølging av internasjonal organisert kriminalitet.
• Inngått ein avtale med EUs Grensekontrollbyrå som gir Noreg ein plass i styret til byrået.Grensekontrollbyrået har som oppgåve å setje land i Schengenområdet betre i stand til å føre kontroll med sine yttergrenser.

Utanriks- og tryggingspolitikk

Noreg har samarbeidd tett med EU om utanriks- og tryggingspolitikk sidan 1988. I dag inneber dette samarbeidet

• politisk dialog i tilknyting til EØS-rådets halvårlege møte, dvs. ein særskilt diskusjon på utanriksministernivå om utanrikspolitiske emne
• møte mellom Noregs og EU-formannskapets utanriksministrar ein gong i halvåret
• møter og kontaktar med EUs arbeidsgrupper om utanriks- og tryggingspolitikk og med EU-landas diplomatar i tredjeland og i internasjonale organisasjonar
• at EU ofte inviterar Noreg og de andre EØS/EFTA-landa til å slutte seg til sine utanrikspolitiske erklæringar [Les erklæringene her]
• Noreg stiller med personell og ressursar til EUs krisehandteringsoperasjonar og legger stor vekt på effektive samarbeidsordningar mellom EU og NATO
• Noreg stiller med polititenestemenn i EUs politistyrke i Bosnia-Hercegovina
• Noreg stiller med tenestemenn til EUs politioperasjon i Makedonia (Proxima)

I tillegg møter statsministeren og ei rekke norske statsrådar kvart halvår sine kolleger i EUs formannskapsland.