Til forside

Nyheter

Til toppen av siden

Kritisk til utslepp i Barentshavet

13.04.05 SFT er svært kritisk til uhellsutsleppet av 1,6 kubikkmeter hydraulikkolje frå riggen Eirik Raude i Barentshavet. Petroleumstilsynet og SFT vil granske hendinga i løpet av kort tid, og krev at boreoperasjonen ikkje startar igjen før styresmaktene er forsikra om at forholda er i orden.

Guovca ligg rundt 115 kilometer frå Berle.

SFT og Petroleumstilsynet har i ettermiddag hatt eit møte med Statoil og Ocean Rig.
Styresmaktene fekk ei framstilling av hendinga så langt det finst informasjon per i dag.

Alle utslepp stansa

Verforholda gjer at det er vanskeleg å sjekke nøyaktig kva som er skjett. Operatøren og riggselskapet forsikrar at alle utslepp er stansa. Dei har dessutan stansa all boreaktivitet.

 

Guovca ligger rundt 115 kilometer fra Berlevåg. Vanndybden er 332 meter og det skal bores ned til 1325 meter.Boringen av Guovca-brønnen startet 2. april i år.

Stoff ved boring  

  • Det er behov for å bruke kjemikal ved boring etter olje og gass. Stoffa er grupperte etter klassifiseringa til SFT.                  
  • Grøn og gul kategori:  Stoff som har ingen eller svært liten negativ miljøeffekt.                  
  • Rød kategori:  Stoff som basert på ibuande eigenskaper, er definert som miljøfarlege og dermed bør skiftast ut.                  
  • Sort kategori: Stoff som det i utgangspunktet ikkje er tillett å sleppe ut.

Ser svært alvorleg på hendinga

- Vi ser svært alvorleg på hendinga. Føresetnaden for oljeboring i Barentshavet er null utslepp av miljøfarlege stoff. Dette er tredje gongen det skjer eit uhellsutslepp frå riggen ”Eirik Raude”. Vi er svært usikre på om oljeselskapa er i stand til å drive boringa i Barentshavet slik dei har lovt at dei skal, seier SFT-direktør Håvard Holm.

Miljøfarleg stoff

Hydraulikkolja som er sloppen ut, består hovudsakleg av høgraffinert mineralolje som blir broten sakte ned i miljøet. Den har potensial for bioakkumulering. Sidan olja blir brukt i eit system som under normale forhold er fullstendig lukka, er det ikkje krav til fullstendig økotoksikologisk dokumentasjon for produktet.

Produktet vil etter kategoriane til SFT for offshorekjemikal, sannsynlegvis hamne i raud eller svart kategori.

Spørsmål kan rettast til SFT:

  • SFT:  Direktør Ingrid Bjotveit, næringslivsavdelinga
    telefon: 22 57 34 22, e-post: ingrid.bjotveit@sft.no
  • SFT:  Seksjonssjef Signe Nåmdal, seksjon for petroleumsverksemd
    telefon: 22 57 35 36, e-post: signe.namdal@sft.no            
  • Petroleumstilsynet:  Pressetalskvinne Inger Anda
    telefon: 970 54064, e--post: inger.anda@ptil.no
  • Tips en venn
  • Få nyheter fra SFT på e-post
Til toppen av siden
Til toppen av siden