Statens forureiningstilsyn (SFT) har vurdert konsekvensane av å legge avgift på forbrenning av spillolje på lik linje med forbrenning av fyringsolje. Ei slik avgift kan føre til auka mengder spillolje på avveg og auka ulovleg brenning.

Dette vil vere i strid med det nasjonale målet om at mest mogeleg farleg avfall skal samlast inn og behandlast forsvarleg. SFT meiner at spillolje ikkje er ein reell konkurrent til andre typar brensel, og at avgiftsfritaket ikkje påverkar oppnåinga av utsleppsmålet for CO2.