http://www.sft.no/nyheter/dbafile10684.html

19.01.04
Endra utsleppskrav ved oljelasting

SFT vil endre krava til luftutslepp som oppstår ved lasting av råolje offshore på felta Statfjord, Gullfaks, Draugen, Åsgard, Norne, Glitne, Balder, Jotun og Njord. Ein større del av oljen må omlastast med utsleppsreduserande teknologi i 2004 og 2005.

Samstundes får oljeselskapa forlengja innfasingsperioden for teknologi som skal redusere utsleppa frå 2006 til 2008. Reduksjon av utslepp frå petroleumsverksemda på norsk sokkel er eit viktig tiltak for å få ned utsleppa av flyktige organiske bindingar (NMVOC) i Noreg.

Internasjonale avtalar
Norge har inngått internasjonale avtalar som betyr at utsleppa av NMVOC skal reduserast med 30 prosent i høve til nivået i 1989, innan 1999. NMVOC-utslepp frå lasting av råolje til havs står i dag for mellom 45 og 50 prosent av dei norske NMVOC-utsleppa.

I følgje prognosar vil Noreg overhalde Geneveprotokollen først i 2006. Ei skjerping av krava for 2004 og 2005 og forlenging av innfasingsperioden til 2008 vil ikkje føre til endringar med omsyn til når Noreg oppfyller avtalen.

VOC
VOC består av klimagassen metan og NMVOC. NMVOC (None Methane Organic Compounds) er ei fellesnemning på flyktige organiske bindingar som saman med nitrogenoksider (NOx) dannar bakkenær ozon. Ozon er ein giftig gass som kan skade vegetasjon, materialer og helsa til folk.

Les meir:

Spørsmål kan rettast til SFT:

  • Avdelingsdirektør Marie Nordby, seksjon for petroleumsverksemd
    telefon: 22 57 36 16, e-post: marie.nordby@sft.no          
  • Overingeniør Hanne Marie Øren, seksjon for petroleumsverksemd
    telefon 37 82, e-post: hanne-marie.oren@sft.no
Tips en venn             Utskriftsversjon             Abonner på SFTs nyheter per e-post

Send tipset til:  Din e-post: 
Din melding:
 
 
Statens forurensningstilsyn (SFT)


Strømsveien 96, Postboks 8100 Dep, 0032 Oslo | Tlf: 22 57 34 00 | Faks: 22 67 67 06 | E-post: postmottak@sft.no