Realfag

Realfaga samlar dei matematisk-naturvitskaplege og teknologiske faga. Matematikk, teknologi og naturvitskap er steinane i byggverket til eit moderne samfunn, og det er stor etterspørsel etter realfagskompetanse, både i skuleverket og arbeidslivet elles.

Realfaga ved Universitetet i Tromsø har varierte studietilbod innanfor fleire studieprogram. I mange av fagfelta kjem den nordlege profilen og plasseringa til UiTø særleg godt fram, med spisskompetanse mellom anna innan nordlysforsking og forsking på arktisk natur og miljø.

Realfagsstudia opnar for jobbar i forsking og undervising, teknisk og teknologisk verksemd, i industrien, i næringslivet og offentleg forvalting.

I tillegg blir det undervist i realfag ved Noregs fiskerihøgskole, til dømes i marinbiologi, fiskerifag, fiskehelse og akvakultur.

Realfag finn du og ved Det medisinske fakultet gjennom studietilbod i biologi, medisin, farmasi, odontologi og helsefag.

Også Universitetsmuseet - Tromsø Museum - har realfaglege forskarar og formidlar realfag gjennom til dømes utstillingar og publikasjonar.

Det matematisk-naturvitskaplege fakultet
Noregs fiskerihøgskole
Det medisinske fakultet
Universitetsmuseet