|
Det er snart berre Universitetet i Tromsø og Den norske kyrkja som har indirekte val til viktige verv. Tida er etter mitt syn overmoden for å gå inn for direkte val ved UiTø. Alle eg har snakka med meiner det same.
Direkte val er den mest rettferdige og demokratiske valforma – utan tvil. Det har vore innvendt mot direkte val at valdeltakinga blir/er så liten. Då er mitt syn følgjande: jamvel med indirekte val er valdeltakinga så liten at den knapt kan bli mindre.
Tvert imot meiner eg at direkte val kan føra til reell og mykje større valdeltaking enn tilfellet er i dag.
Eg ber universitetsdirektøren så snart som råd er fremja ei sak til universitetsstyret om overgang til direkte val ved Universitetet i Tromsø.
Ole D. Mjøs
(Dette lesarinnlegget er og sendt som brev til Universitetsstyret i Tromsø v/universitetsdirektør Arne Benjaminsen. Red.)
|
