14.05.2008

EndNote: referansar frå GeoRef

På grunn av ein feil i den informasjonen som kjem frå GeoRef når ein bruker EndNote til å kobla seg opp til GeoRef, har desse referansane ikkje god kvalitet. Vi har gjort leverandøren (Ovid) merksam på dette, og dei sa dei skulle fiksa det. Det har hittil ikkje skjedd, og difor kan vi ikkje gjera den nye tilkoblingsfila til GeoRef tilgjengeleg for brukarane våre. Men det finst ei anna løysing.

Lammy Benedictus

For at du likevel skal kunna lasta ned referansar frå GeoRef, bør du gå inn i GeoRef online og eksportera referansar derfrå til EndNote. Då får referansane god kvalitet. Du finn lenka til GeoRef i Ofelaš, nettportalen vår.

Når du er inne i GeoRef, søkjer du først etter referansar du ønskjer å eksportera. Når du har funne dei, hakar du av dei referansane du vil eksportera. Så gjer du som følgjer i venstre marg:

• Under Results: Hak av for Selected Results
• Under Fields: Hak av for Complete Reference
• Under Result Format: Hak av for Direct Export

Så blar du oppover igjen, og under Actions klikkar du på Save. Då kjem EndNote opp. Du må velja i kva database (library) du ønskjer å lagra referansane, og det kan henda du får opp spørsmål om filter. I så fall vel du GeoRef (Ovid). Deretter vil du sjå at referansane blir importert inn i databasen din.