ABM-utvikling vart oppretta 1. januar 2003 gjennom ei samanslåing av Statens bibliotektilsyn, Norsk museumsutvikling og Riksbibliotektjenesten. ABM-utvikling er Kultur- og kyrkjedepartementets rådgjevande og utøvande fagorgan for arkiv, bibliotek og museum.

ABM-utvikling skal drive aktivt, strategisk utviklingsarbeid for å:

• samordne
• effektivisere 
• styrke

arkiv-, bibliotek- og museumsfeltet. Målet er å setje institusjonane og sektorane betre i stand til å løyse faglege oppgåver og til å møte nye utfordringar i samfunnet, og å arbeide med heile spekteret av funksjonar innan arkiv, bibliotek og museum. ABM-utvikling arbeider dessutan på tvers av faglege sektorgrenser og tek vare på departementsovergripande samarbeidsoppgåver i tilknyting til arkiv-, bibliotek- og museumsfeltet. 

Strategiane tek utgangspunkt i:

• det samfunnsoppdraget abm-sektoren er gitt, mellom anna gjennom stortingsmeldingar
• dei verdiane sektoren representerer gjennom si verksemd
• at dagens informasjonssamfunn stiller andre krav til sektoren enn tidlegare.