I 1980 vart Utladalen verna som landskapsvernområde samstundes med opprettinga av Jotunheimen nasjonalpark. Formålet var å verne eit vilt og vakkert vestlandslandskap med naturmiljø og kulturminne som er vevd saman i ein heilskap.

Det er mange grunnar til at ein ønsker å ta vare på det kulturdokument Utladalen med sine mange kulturminner representerer. Det er Fylkesmannen i Sogn og Fjordane som har forvaltningsansvaret for Utladalen landskapsvernområde. Kommunalt oppnemt tilsynsutval tek del i forvaltningen av verneområdet og tek seg særleg av lokalsammfunnet sine interesser.

All planlegging og evaluering av skjøtselstiltak skjer i eit samarbeidsforum der alle grunneigarane / brukarane og Statens naturoppsyn er representerte. Ein omfattande skjøtsel og pleie av heile Utladalen landskapsvernområde er ikkje realistisk å tenkje seg. Fire delområde er utpeika til skjøtseltiltak; Hjelle, Skåri, Avdalen og Vetti. I løpet av tre-fire sommarmånader blir det meste av innmarka ved desse gardane beita og slått. Mange bygningar er restaurerte og vølte. Gamle ferdselsvegar blir halde i hevd ved årleg skjøtsel. Kvar sommar blir 8-10 studentar og handverkarar hyra inn for å utføre mange av skjøtselsoppgåvene.

Det starta med idealisme hos enkeltpersonar og lag som såg moglegheiter og verdiar som var i ferd med å gå tapt. I dag er det etablert eit system som vidarefører arbeidet. Dette systemet representerer ein møteplass for den offentlege forvaltningen, private grunneigarar, lag og privatpersonar som vil gjera sitt til den store dugnaden det er å la Utladalen vera eit levande kulturlandskap.

• Gå til: Forskrift om Utladalen landskapsvernområde

Tilbake til SNO Vang