Åtte år etter førre store revisjon av jegerprøveopplæringa er det nå gjeve ut heilt nytt opplæringsmateriell for Jegerprøva. I tillegg til at filmar og plansjar er modernisert føreligg no heile opplæringsverktøyet på digital form. Som den store nyvinninga framhevas moglegheita for å tilegne seg deler av pensumstoffet til jegerprøva som nettbasert undervisning.
Jegerprøva er bygd opp av 9 modular. To av desse er praktisk retta og omhandlar mellom anna feller og fangst, skyting med hagle og rifle samt ein del praktiske øvingar på til dømes avstandsbedømming, forsering av hinder med gevær og liknande. Tre av modulane er lagt ut opent tilgjengeleg for alle på internett. Dette er modular som inneheld emna kunnskap om artar, lovverk og forskrifter samt jakthundar og jakthunddressur. Dei siste fire modulane er som før basert på undervisning i klasserom.
Den nettbaserte opplæringa skal gje alle jegerprøvekandidatar høve til å tilegne seg faktakunnskap når og kor det passar best for dei sjølve. Dei haldningsdannande emna vil også no gå føre seg i form av undervisning i klasserom leda av ein autorisert instruktør. Sjølv om tre modular er lagt ut for eigen tilegning av stoffet må alle kandidatar levere stadfesting i form av ein sluttest frå kvar av desse. Det nye materiellet er utviklet i samarbeid mellom Norges- Jeger- og Fiskerforbund og Direktoratet for Naturforvaltning.
Dei modulane som finnest som nettbasert læring er:
- Modul 4: Kunnskap om artar
- Modul 5: Lovverk og forskrifter
- Modul 8: Jakthundar
For å gå inn på dei nettbaserte kurssamlingane klikk her (ekstern lenkje)
Kvar av dei tre modulane inneheld ein test. For å få godkjent testen må minst 80% av svara vere riktig.
Test deg sjølv
Har du lyst til å testa kunnskapane dine om jakta og jegerprøva? I slutten av kvar nettbasert samling er det testspørsmål som er relevant til eksamenen i jegerprøva. Her er snarvegen om du vil testa dine kunnskapar om jakta (trykk på startknappen som kjem opp etter nokre sekund):
English
Utskrift
