Gjennomført og bestått jegerprøve gjer at ein blir registrert i Jegerregisteret, noko som gir rett til å utøve sjølvstendig småviltjakt og fangst dersom ein er fylt 16 år, og sjølvstendig storviltjakt dersom ein er fylt 18 år. Dersom ein ikkje er myndig (18 år), må ein i tillegg ha løyve frå foreldre eller andre føresette.

Alle personar som har fylt 16 år, og som ikkje er registrerte i Jegerregisteret, skal før jakt eller fangst blir utøvd ha bestått jegerprøva. Jegerprøva består av eit obligatorisk kurs og ein skriftleg eksamen. Det obligatoriske kurset er på 30 timar og kan takast frå ein er 14 år. Personar som er fast busette i utlandet, treng ikkje ta jegerprøva dersom dei kan dokumentere at dei fyller vilkåra for å drive tilsvarande jakt i sitt eige land.

Åtte år etter førre store revisjon av jegerprøveopplæringa er det nå gjeve ut heilt nytt opplæringsmateriell for Jegerprøva. I tillegg til at filmar og plansjar er modernisert føreligg no heile opplæringsverktøyet på digital form. Som den store nyvinninga framhevas moglegheita for å tilegne seg deler av pensumstoffet til jegerprøva som nettbasert undervisning

For å lese meir om nettbasert undervisning i jegerprøva klikk her

Fem studieforbund har gjort ein avtale med Direktoratet for naturforvaltning om å halde det obligatoriske kurset:

• Folkeuniversitetets Studieforbund (ekstern lenkje)
• Bygdefolkets Studieforbund (ekstern lenkje)
• Studieforbundet natur og miljø (ekstern lenkje)
• Arbeidernes Opplysningsforbund (ekstern lenkje)
• Samisk Studieutval (ekstern lenkje)

I tillegg har følgende løyve til å arrangere jegerprøva:

• Skoleverket
• Vaksenopplæringa i Forsvaret (ekstern lenkje)

Studieforbunda arrangerer kursa og kan krevje kursavgift. Kommunane har ansvaret for den teoretiske eksamenen, og den som vil gå opp til jegerprøva, må betale gebyr for skriftleg eksamen.

Tilbod om obligatorisk kurs varierer frå kommune til kommune. Lokale studieorganisasjonar tilbyr kurset gjennom studiekatalogane sine, eller dei kan annonsere kursa i aviser og tidsskrift. Kommunane og lokale jeger- og fiskarlag kan også gi svar på spørsmål om jegerprøva.

Det er utarbeidd to lærebøker: ABC for jegerprøva og Jegerprøveboka. Dei kan kjøpast hos bokhandlarar eller lånast på biblioteket. Meir utfyllande opplysningar om jegerprøva finn du i Direktoratet for naturforvaltning sitt rundskriv om utøving av jakt, felling og fangst.

• Gå til Rundskriv april 2006 om utøvelse av jakt, felling og fangst (pdf-fil)

Tilbake til hovedside Jakt og fangst - nynorsk