3. mai 2002
Høgsterett har i dag kome med avgjerd i plenumsdom om ordinær tilleggsskatt på 30 prosent i høve til føresegnene i Den europeiske menneskerettskonvensjonen artikkel 6 nr. 1.

Hovudspørsmålet i saka var om fastsetjing av slik tilleggskatt innebar at det var sett fram ei straffeskulding – i den engelske teksten ”criminal charge” – mot skattytaren etter Den europeiske menneskerettskonvensjonen (EMK) artikkel 6 nr. 1. Fleirtalet – 9 av dei 13 dommarane – kom til at bruk av ordinær tilleggskatt fell inn under verkeområdet for artikkel 6 nr. 1. Dette inneber mellom anna at den vanlege regelen i skattesaker om at skattytaren ikkje kan kome med nye bevis for domstolane som han hadde høve og grunn til å leggje fram for skattestyresmaktene, ikkje gjeld for tilleggsskatten. Dommen er i sin heilskap lagt ut på Internett på adresse: http://www.lovdata.no/hr/index.html Samandrag er lagt ut på www.hoyesterett.no